დიდ დიღომში ორი ავტომობილის დაწვის შედეგად გაჩენილი ხანძარი ლიკვიდირებულია.

როგორც On.ge-ს საგანგებო სიტუაციების მართვის სამსახურში განუცხადეს, შემთხვევა მანქანების შემკეთებელი ტერიტორიის მიმდებარედ გაჩნდა.

მსუბუქი ავტომობილები ძველი იყო და მასში ცეცხლის გაჩენის დროს არავინ იმყოფებოდა.

ცეცხლი ბალახზე და ბუჩქებზე გავრცელდა. ხანძარი ამ დროისთვის ლიკვიდირებულია.