გერმანელმა სამართალდამცველებმა საქართველოს 60-მდე მოქალაქე გამოაძევეს. ამის შესახებ ინფორმაცია რუსთავი 2-მა გაავრცელა.

თბილისის საერთაშორისო აეროპორტში უკვე დაეშვა სპეციალური ავიარეისი დიუსელდორფიდან, რომელმაც დეპორტირებული ქართველები ჩამოიყვანა.

დეპორტირებულების უმეტესობა თავშესაფარს გერმანიაში მოითხოვდა. ისინი საქართველოდან წასვლის მიზეზად, პოლიტიკურ და სოციალურ პრობლემებს ასახელებდნენ.

რუსთავი 2-ის ინფორმაციით, საქართველოს მოქალაქეები გერმანიის სხვადასხვა ქალაქში აიყვანეს. ისინი საემიგრაციო საცხოვრებლებში იმყოფებოდნენ. გერმანიამ განიხილა მათი განაცხადები და თავშესაფარზე უარი უთხრა.

On.ge-ს საგარეო საქმეთა სამინისტროში განუცხადეს, რომ ინფორმაცია არ ჰქონდათ და დეტალებს არკვევენ.