ინაუგურაციიდან ორი საათის შემდეგ რუსეთის პრეზიდენტმა, ვლადიმერ პუტინმა პრემიერ-მინისტრობის კანდიდატად დიმიტრი მედვედევი წარადგინა.

თანხმობის მისაღებად პუტინმა პარლამენტის ქვედა პალატას უკვე მიმართა. სახელმწიფო დუმა მის კანდიდატურას 8 მაისს საგანგებო სხდომაზე განიხილავს. მედვედევი მმართველი პარტია ერთიანი რუსეთის თავმჯდომარეა, ამიტომაც დიდი შანსია, რომ ის რუსეთის პრემიერ-მინისტრი მეორედ გახდება.

კონსტიტუციის მიხედვით, ინაუგურაციის შემდეგ მინისტრთა კაბინეტი გადადგება. გადადგომის შესახებ ბრძანებულებას ხელი მოაწერა პუტინმაც. მინისტრთა ახალი კაბინეტის ფორმირებამდე ამჟამინდელი მინისტრები მოვალეობის შემსრულებლები იქნებიან.

მარტში რუსული გამოცემა RTVI წყაროზე დაყრდნობით წერდა, რომ ახალი კაბინეტის შემადგენლობაში საგარეო საქმეთა მინისტრი, სერგეი ლავროვი აღარ იქნება.

გაიგეთ მეტი: