10 მაისს ABC-ის ეთერში გრეის ანატომიის მე-14 სეზონის წინასაფინალო, 23-ე სერია გამოვა. პრომო, რომელიც არხმა ცოტა ხნის წინ გაავრცელა, ფანებისთვის შოკისმომგვრელი აღმოჩნდა.

შესაძლოა, რომ ექიმი ეიპრილ კეპნერი, რომელიც შოუს ტოვებს, სწორედ ამ სერიით დაემშვიდობოს მაყურებელს, თანაც ისევე ტრაგიკულად, როგორც ეს შონდა რაიმსს სჩვევია.

შეგახსენებთ, რომ ABC-ის სერიალი, გრეის ანატომია მე-15 სეზონითაც დაბრუნდება ეთერში.

გადაწყვტილება ამის შესახებ ABC-ის პრეზიდენტმა და შონდა რაიმსმა ერთობლივად მიიღეს.

აღსანიშნავია, რომ მიუხედავად 14 წლიანი ეთერისა, სერიალი არხის ერთ-ერთი ყველაზე პოპულარული შოუა, გარდა მაყურებლების დიდი რაოდენობისა, სერიალი წარმატებულია მთელი მსოფლიოს მასშტაბით და 125-ზე მეტ ქვეყანაში გადის. მთავარი როლის შემსრულებელმა, ელენ პომპეომ კი ერთ-ერთ ინტერვიუში აღნიშნა, რომ სერიალს არხისთვის $3 მილიარდიანი მოგება მოაქვს. შესაბამისად, გადაწყვეტილება შოუს გაგრძელებაზე გასაკვირი ნამდვილად არ არის.

გარდა ამისა, უკვე დადასტურებით ვიცით, რომ ორი ექიმისთვის - არიზონა რობინსისა და ეიპრილ კეპნერისთვის მე-14 სეზონი ბოლო იქნება. პროდიუსერების გადაწყვეტილებით ჯესიკა კეპშოუ და სარა დრიუ გრეის ანატომიას ტოვებენ.