საწებლების სამყარო უზარმაზარი და ძალიან საინტერესოა, მაგრამ თუ აქამდე საწებლის მხოლოდ ჭამით იყავით დაკავებული, პირველი ნაბიჯის გადადგმა კლასიკური რეცეპტით უნდა დაიწყოთ:

ტყემალი

ფოტო: Kos78 / Shutterstock

ინგრედიენტები: ტყემალი, აყვავებული ქინძი და ნიორი.

დაბალ ცეცხლზე მოხარშული ტყემალი გააცივეთ და გახეხეთ. დაუმატეთ გატარებული ქინძი და ნიორი. ასევე წითელი წიწაკა, მარილი და შაქარი გემოვნებით. გემრიელად მიირთვით.

ახლა კი განაგრძეთ კითხვა და ნახეთ, კიდევ რა გზებით შეგიძლიათ საწებლების მომზადება.

მაყვლის საწებელი

ფოტო: pxhere

ინგრედიენტები: მაყვალი, ქინძი, ნიორი, სუნელები.

კარგად დაჭყლეტილი მაყვალი წიპწების მოსაცილებლად საცერში გადაწურეთ. მიღებულ მასას ნიორი, ქინძი, სუნელები და მარილი დაუმატეთ. უგემრიელესი მაყვლის სოუსი, რომელიც ძალიან უხდება ხორცს, მზად არის.

ალუჩის საწებელი

ფოტო: freestocktextures

ინგრედიენტები: ალუჩა, ნიორი, მარილი, აყვავებული ქინძი.

ალუჩას სოუსიც ზუსტად ისევე შეგიძლიათ მოამზადოთ, როგორც ტყემლის სოუსი. ალუჩას მოტკბო და მსუბუქი გემო იდეალურად ერწყმის ბოსტნეულსა და ხორცს.

პომიდვრის საწებელი

შეუძლებელია, ისაუბრო საწებლებზე და პომიდვრის უგემრიელესი წითელი საწებელი დაგავიწყდეს.

ფოტო: Medium

ინგრედიენტები: პომიდორი, ხახვი, წითელი წიწაკა.

მოშუშეთ ხახვი და დაამატეთ გახეხილი პომიდორი, რომელიც ყურადღებით უნდა იყოს გაფრცქვნილი. მიღებული მასა 20 წუთი დატოვეთ დაბალ ცეცხლზე და ურიეთ. საბოლოოდ კი, ცოცხალი მწვანილი, მარილი და წიწაკა დაამატეთ.

შინდი

ფოტო: VideoBlocks

ინგრედიენტები: შინდი, ქინძი, კამა, ნიორი, წიწაკა, მარილი.

დაბალ ცეცხლზე მოხარშული შინდი გახეხეთ და კურკების მოსაცილებლად საცერზე გადაწურეთ, მიღებულ მასას კი ნიორი მწვანილი, წიწაკა და მარილი დაუმატეთ.

ასევე გეტყვით, რომ ზემოთ ჩამოთვლილი საწებლების მომზადება წინასწარ შეგიძლიათ, რათა მთელი ზამთარი გემრიელი კერძების ჭამაში გაატაროთ.

ბოლოს და ბოლოს, ტყემლით მაინც სულ სხვაა!