5 და 6 მაისს ჩაქვი-მახინჯაურის გვირაბში მოძრაობა შეიზღუდება. საავტომობილო გზების დეპარტამენტის ინფორმაციით, ქობულეთი-ბათუმის მიმართულებაზე იკრძალება ყველა სახის ავტოტრანსპორტის მოძრაობა.

უწყების განცხადებით, ავტოტრანსპორტის ნაკადი გადაერთვება გვირაბის ბათუმი-ქობულეთის მიმართულებაზე. გვირაბის ჩაკეტვის მიზეზი პროფილაქტიკური და დასუფთავების სამუშაოებია.

ჩაქვი-მახინჯაურის გვირაბი 28 და 29 აპრილსაც დაიხურა. მაშინ პროფილაქტიკური სამუშაოები გვირაბის საპირისპირო მხარეს მიმდინარეობდა.