The Miles Electric Band შავი ზღვის მეათე ჯაზფესტივალზე

ჯაზის მოყვარულთა წინაშე, შავი ზღვის მე–10 ჯაზფესტივალის ფარგლებში, ბათუმში, მაილს ელექტრიკ ბენდი 16 ივლისს წარსდგა, რომელმაც ლეგენდარული მაილს დევისის სიმღერების ახალი ინტერპრეტაცია შესთავაზა მაყურებელს. მსმენელისთვის ნაცნობი, საყვარელი სიმღერები ახალი სიცოცხლით შავი ზღვის სანაპიროზე პირველად გაჟღერდა.

მაილს ელექტრიკ ბენდის ხელმძღვანელი, მაილს დევისის დისშვილი - ვინს უილბერნია. 11 ვარსკვლავისგან დაკომპლექტებული ბენდი მაილს დევისის „ელექტრონული პერიოდის“ მუსიკას უკრავს. პროექტის შექმნის იდეა 2011 წელს გაჩნდა, როდესაც მაილს დევისის დისშვილმა ვინს უილბერნიმ „მაილს დევისის ფესტივალში" მონაწილეობის შესახებ მიწვევა მიიღო. ბენდის წევრები, ძირითადად, მაილს დევისის „ელექტრონული პერიოდის" მუსიკას უკრავენ, სწორედ აქედან მოდის ბენდის სახელწოდებაც - „The Miles Electric Band”. ბენდის შემადგელობაში შედიან ისეთი ცნობილი მუსიკოსები, როგორებიც არიან: გრემის ორგზის ნომინანტი ჯონ ბიზლი და რობერტ ირვინგ III - კლავიში; გრემის ნომინანტი ბედელ როი - ტაბლა; ლეგენდარული ბლექბირდ მაკნაითი - გიტარა; მუნიუნგო ჯექსონი - პერკუსია და გრემის მფლობელი ვინს უილბერნი უმცროსი - დრამი.