ზაზა ფირალიშვილმა თავისუფალი დემოკრატები დატოვა. ამის შესახებ მან ინფორმაცია თავის Facebook გვერდზე გაავრცელა. მისი თქმით, გარდა იმისა, რომ მისთვის ყოველდღიური პოლიტიკური ცხოვრება ძნელად შესაგუებელი აღმოჩნდა, მას პარტიასთან ასევე ჰქონდა გარკვეული იდეოლოგიური და ტაქტიკური წინააღმდეგობებიც:

"თუმცა კი ყველაფერი ეს დისკუსიას ექვემდებარებოდა. ყოფილ პარტნიორებთან ადამიანური ურთიერთობის გაფუჭების მიზეზი არა მაქვს. ვისაც მეგობრებად ვთვლიდი ან შორიდან პატივს ვცემდი გაწევრიანებამდე, ისინი კვლავ ჩემს მეგობრებად და პატივსაცემ ადამიანებად რჩებიან. თუ ოდესმე ჩემი რჩევების საჭიროება ექნებათ, ცხადია, უარს არ ვეტყვი. არასოდეს არავისთვის მითქვამს უარი და მითუმეტეს, უარს ვერ ვეტყვი ყოფილ პარტნიორებს".

მან ასევე განაცხადა, რომ თავისუფალი დემოკრატები არის ერთ-ერთი ყველაზე საინტერესო, ქვეყნის უკეთეს მომავალზე ორიენტირებული პოლიტიკური გუნდი და წარმატება უსურვა მას:

"ვაპირებ რომელიმე სხვა, მითუმეტეს, სახელისუფლებო პოლიტიკურ გუნდში გადასვლას. დღესაც მაქვს ორიოდე საკმაოდ მომხიბლავი წინადადება, მაგრამ წმინდა მორალურ მოსაზრებებსაც რომ დავანებოთ თავი, პოლიტიკის გარეშეც მაქვს თვითრეალიზების სივრცე და ასეთი სალტო-მორტალეების საჭიროება არ გამაჩნია".