შავი ზღვის ჯაზ მე–10, საიუბილეო, ფესტივალი გრძელდება. 16 ივლისს , მაყურებლის წინაშე, ბათუმის ჩოგბურთის კლუბში, მაილს ელექტრიკ ბენდი (MILES ELECTRIC BAND) წარსდგება.

11 ვარსკვლავისგან დაკომპლექტებული ბენდი, რომლის ხელმძღვანელიც მუსიკოსი ვინს უილბერნია, მაილს დევისის „ელექტრონული პერიოდის“ მუსიკას ასრულებს, სწორედ აქედან მოდის ბენდის სახელწოდებაც - „The Miles Electric Band”.

ბენდის შემადგელობაში შედიან ისეთი ცნობილი მუსიკოსები, როგორებიც არიან: გრემის ორი ნომინანტი - ჯონ ბიზლი და რობერტ ირვინგ III (John Beasley and Robert Irving III) - კლავიში; გრემის ნომინანტი ბედელ როი ( Badal Roy) - ტაბლა; ლეგენდარული ბლექბირდ მაკნაითი (Blackbyrd McKnight) - გიტარა; მუნიუნგო ჯექსონი (Munyungo Jackson) - პერკუსია და გრემის მფლობელი ვინს უილბერნი უმცროსი (VinceWilburn, Jr.) - დრამი.

ბათუმის ჩოგბურთის კლუბი 20:00 საათიდან გაიხსნება.

შეგახსენებთ, რომ მე–10 საიუბილეო ფესტივალი ათი დღე გაგრძელდება. ფესტივალი 24 ივლისს დაიხურება.