ევროპული საქართველოს წევრი, ოთო კახიძე ამბობს, რომ ბიძინა ივანიშვილი ისედაც იყო ქართული ოცნების არაფორმალური ლიდერი, რომელიც მნიშვნელოვან გადაწყვეტილებებს იღებდა და მისი დაბრუნება ადასტურებს, რომ მმართველ პარტიაში კრიზისია.

On.ge-მ სცადა კახიძესთან დაკავშირება ივანიშვილის პოლიტიკაში დაბრუნების შესაფასებლად, თუმცა ის ქვეყანაში არ იმყოფება და ამის შესახებ ფეისბუქ გვერდზე დაპოსტა.

კახიძის თქმით, ივანიშვილს ყოველდღიური მენეჯმენტი მიბარებული ჰქონდა საკუთარი თანაშემწეებისთვის, რომლებსაც არ ეყოთ კომპეტენცია და პოლიტიკური წონა, ემართათ ქვეყანა და პარტიული პროცესი.

კახიძის წერს, რომ ივანიშვილის ოფიციალურად დაბრუნება ქართული ოცნების თავმჯდომარედ, ადასტურებს კრიზისს მმართველ პარტიაში და ოცნების ზრდად არაპოპულარულობას ხალხში - მოახლოებული საპრეზიდენტო არჩევნების წინ.

დღეს, 26 აპრილს, პრემიერმა გიორგი კვირიკაშვილმა განაცხადა, რომ პარტიის დამფუძნებელი, ბიძინა ივანიშვილი ქართული ოცნების თავმჯდომარე გახდება.

ბიძინა ივანიშვილმა ქართული ოცნება 2012 წელს დააფუძნა და პირველი ოქტომბრის საპარლამენტო არჩევნებით, პოლიტიკურმა ძალამ ერთიანი ნაციონალური მოძრაობის მმართველობა ჩაანაცვლა.

2015 წელს, ბიძინა ივანიშვილი გურია NEWS ინტერვიუში ამბობდა, რომ იმ შემთხვევაში დაბრუნდებოდა, თუ რაიმე საოცრება მოხდებოდა ხელისუფლებაში.