ნაციონალური მოძრაობის წევრის, რომან გოცირიძის თქმით, ბიძინა ივანიშვილის არც არასდროს წასულა პოლიტიკიდან და ის ყოველთვის მართავდა პარტიას და ქვეყანას ისე, რომ არ ჰქონდა არავითარი პასუხისმგებლობა. რომან გოცირიძე ივანიშვილის პოლიტიკაში დაბრუნებას ჩრდილიდან ნაწილობრივ გამოსვლად აფასებს.

რომან გოცირიძეს მიაჩნია, რომ პოლიტიკაში დაბრუნება ბიძინასთვის პარტიას არ შეუთავაზებია და ის საკუთარი პირობის ასასრულებლად დაბრუნდა:

"პარტიას ვინ ეკითხება რაიმეს შეთავაზებას, ბიძინა ივანიშვილმა განაცხადა, რომ პოლიტიკაში დაბრუნდებოდა მხოლოდ მაშინ თუ ქვეყანაში მოხდებოდა უბედურება და კრიზისი. ანუ მისი დაბრუნება მოხდა სწორედ მაშინ, როდესაც ქვეყანა არის უმძიმეს კრიზისულ ვითარებაში. ქვეყანა ვერ ვითარდება, ეკონომიკა არის ჩამოშლილი და მათი პარტიაც ჩამოშლილია."

გოცირიძეს მიაჩნია, რომ შეუძლებელია ივანიშვილმა გამოასწოროს სიტუაცია, რადგან 6 წლის განმვალობაში მისმა სტრატეგიულმა პოლიტიკამ ქვეყანა დააზარალა.

დღეს, 26 აპრილს, პრემიერმა გიორგი კვირიკაშვილმა განაცხადა, რომ პარტიის დამფუძნებელი, ბიძინა ივანიშვილი ქართული ოცნების თავმჯდომარე გახდება.

ბიძინა ივანიშვილმა ქართული ოცნება 2012 წელს დააფუძნა და პირველი ოქტომბრის საპარლამენტო არჩევნებით, პოლიტიკურმა ძალამ ერთიანი ნაციონალური მოძრაობის მმართველობა ჩაანაცვლა.

2015 წელს, ბიძინა ივანიშვილი გურია NEWS ინტერვიუში ამბობდა, რომ იმ შემთხვევაში დაბრუნდებოდა, თუ რაიმე საოცრება მოხდებოდა ხელისუფლებაში.