მედიამონიტორინგი: მთავრობის მიმართ რბილი პოზიციით იმედი და GPB ხასიათდება, კრიტიკულით - რ2
2017 წლის ადგილობრივი თვითმმართველობის არჩევნების ტელევიზიების მედიამონიტორინგის მიხედვით, ცენტრალური ხელისუფლება ყველაზე უარყოფითად რუსთავი 2-ის ეთერში გაშუქდა (46 პროცენტი). ანგარიშში ნათქვამია, რომ ხელისუფლების მიმართ "რბილი" პოზიციით ხასიათდება საზოგადოებრივი მაუწყებელი და ტელეკომპანია იმედი. ამავე დროს, ეთიკური პრინციპების დაცვითა და მიუკერძოებულობით გამორჩეულია აჭარის საზოგადოებრივი მაუწყებელი.
პარტიების გაშუქება:
- ქართული ოცნება ყველაზე უარყოფითად რუსთავი 2-ის (40 პროცენტი), ხოლო დადებითად გურჯაანის ეთერში (24 პროცენტი) გაშუქდა;
- რუსთავი 2 სიმპათიის ამჟღავნებს ნაციონალური მოძრაობისა და მისი თბილისის მერობის კანდიდატის მიმართ. მაუწყებლებმა ყველაზე დიდი დრო ჯამში ქართულ ოცნებას დაეთმო, მომდევნო ადგილებზეა ნაციონალური მოძრაობა და ევროპული საქართველო;
- ნაციონალური მოძრაობასაც ყველაზე დადებითი გაშუქება გურჯაანის ეთერში ჰქონდა (30 პროცენტი), ყველაზე უარყოფითი კი - ობიექტივის ეთერში (66 პროცენტი);
- ტელეკომპანია ობიექტივი ერთადერთი არხია, სადაც დათმობილი დროის მიხედვით მე-2 ადგილზეა პატრიოტთა ალიანსი (ოდნავ ნაკლები დრო დაეთმო, ვიდრე ქართულ ოცნებას). პატრიოტთა ალიანსი ობიექტივზე ნეგატიურად საერთო არ გაშუქებულა.
კვლევის სხვა მიგნებები:
- წინა წელთან შედარებით, სიძულვილის ენის და შეუსაბამო ტერმინოლოგიის საინფორმაციო გამოშვებებში ტირაჟირება შემცირდა, თუმცა გამონაკლისია ობიექტივი;
- კვლავ პრობლემად რჩება არჩევნებთან დაკავშირებული სიღრმისეული სიუჟეტები;
- რეგიონულ ტელევიზიების ნაწილში საინფორმაციოების დაუდგენელი გრაფიკით გადიოდა იყო რამდენიმედღიანი წყვეტაც;
- რეგიონული არხების ნაწილი ხშირად იყენებს სამთავრობო უწყებების პრეს-სამსახურების მომზადებულ მასალებს, მათ წარმომავლობაზე ნათლად მითითების გარეშე;
- რეგიონულ ტელევიზიებს აქვთ ტექნიკური პრობლემები - ხმის და კადრების ხარისხი დაბალია, ხოლო ზოგიერთ არხს არ აქვს ტიტრები.
საზოგადოებრივი მაუწყებელი
მონიტორინგის პერიოდის განმავლობაში არხის მთავარ საინფორმაციო გამოშვება მოამბეში ყველაზე მეტი დრო მთავრობას დაეთმო. დათმობილი დროიდან, ნეიტრალური იყო 82 პროცენტი, დადებითი 10 პროცენტი, ხოლო უარყოფითი 8 პროცენტი.
ანგარიშის მიხედვით, ყველაზე დადებითად პრემიერ-მინისტრი გაშუქდა, დათმობილი დროის 14 პროცენტი დადებითი იყო, ხოლო 1 პროცენტი უარყოფითი.
ყველაზე უარყოფითად კი მიხეილ სააკაშვილი წარმოჩნდა, რადგან მისთვის დათმობილი დროის 22 პროცენტი ნეგატიურია იყო.
პარტიებს შორის ყველაზე პოზიტიური გაშუქება ჰქონდა ქართულ ოცნებას (10 პროცენტი).
თბილისის მერობის კანდიდატებს შორის პირველი არხის ეთერში ყველაზე მეტი დრო ქართული ოცნების კანდიდატს დაეთმო. კახა კალაძის დადებითი გაშუქება მინიმუმ სამჯერ აღემატებოდა კონკურენტების დადებით გაშუქებას. მერობის კანდიდატების უარყოფითი გაშუქება პირველ არხზე რაოდენობრივი თვალსაზრისით შესამჩნევი არ ყოფილა.
რუსთავი 2
მონიტორინგის ანგარიშში წერია, რომ მთავარ საინფორმაციო გამოშვებასა და P.S.- ში ყველაზე ხშირად მთავრობა გაშუქდა, ყველაზე დადებითად - ნაციონალური მოძრაობა, მისთვის დათმობილი დროის 9 პროცენტი პოზიტიური იყო.
ყველაზე უარყოფითად ადგილობრივი ხელისუფლება წარმოჩნდა, დათმობილი დროის 49 პროცენტით. ანგარიშის მიხედვით, ქართული ოცნების გაშუქების 40 პროცენტი იყო უარყოფითი, ასევე პატრიოტთა ალიანსისთვის დათმობილი დროის 39 პროცენტიც ნეგატიურია.
რუსთავი 2-ის ეთერში ნაციონალური მოძრაობის უარყოფითი გაშუქება მხოლოდ ერთი პროცენტი იყო, ხოლო მიხეილ სააკაშვილის 3 პროცენტი, ამავე დროს 94 პროცენტი იყო ნეიტრალური, ხოლო 3 პროცენტი პოზიტიური გაშუქება.
რუსთავი-2-მა ყველაზე დადებითად თბილისის მერობის კანდიდატებს შორის ზაალ უდუმაშვილი გააშუქა, ყველაზე უარყოფითად კი კახა კალაძე.
იმედი
ანგარიშში ნათქვამია, რომ იმედის ქრონიკამ ყველაზე მეტი დრო პარტია ქართულ ოცნებას დაეთმო, ყველაზე დადებითად მთავრობა გაშუქდა, დათმობილი დროის 10 პროცენტით. ყველაზე ნეგატიურად მიხეილ სააკაშვილი, დათმობილი დროის 52 პროცენტით. საზოგადოებრივი მაუწყებლის გარდა, თბილისის მერობის კანდიდატებს შორის ყველაზე მეტი დრო კახა კალაძეს დაეთმო. დადებითი ტონით ელენე ხოშტარია ლიდერობდა, უარყოფითით კი კახა კუკავა.
პრემიერ-მინისტრის გაშუქების 8 პროცენტი იყო დადებითი, ხოლო 2 უარყოფითი. იმედის ეთერში ნაციონალური მოძრაობა 33 პროცენტით უარყოფითად გაშუქდა და დათმობილი დროის მხოლოდ 1 პროცენტი იყო დადებითი.
ტვ პირველი
ტვ პირველის მთავარ საინფორმაციო გამოშვება დღის ამბებში ეთერში ყველაზე ხშირად პარტია ქართული ოცნება გაშუქდა, თუმცა ყველაზე უარყოფითად; მისთვის დათმობილი დროის 24 პროცენტი ნეგატიური იყო. დადებითი ტონით პრემიერ-მინისტრი ლიდერობს (5 პროცენტი). თბილისის მერობის კანდიდატებს შორისაც ყველაზე მეტი დრო ქართული ოცნების კანდიდატს დაეთმო და ის ყველაზე ნეგატიურად გაშუქდა. ყველაზე დადებითად ზაალ უდუმაშვილი იყო წარმოჩენილი.
ობიექტივი
მთავარ საინფორმაციო გამოშვება ახალ ამბებში ყველაზე მეტი დრო ქართულ ოცნებას დაეთმო. გაშუქებით მეორე ადგილას მყოფი პატრიოტთა ალიანსი ყველაზე დადებითად გაშუქდა, მისთვის დათმობილი დროის 9 პროცენტი პოზიტიური იყო და უარყოფითი ტონი საერთოდ არ ყოფილა.
ყველაზე უარყოფითად, 66 პროცენტით ნაციონალური მოძრაობა გააშუქეს და დადებითი ტონი საერთოდ არ ყოფილა.
თბილისის მერობის კანდიდატებს შორის ყველაზე დადებითად პატრიოტთა ალიანსის კანდიდატი, ირმა ინაშვილი გაშუქდა, ყველაზე უარყოფითად კი კახა კალაძე.
საზოგადოებრივი მაუწყებლის აჭარის ტელევიზია
აჭარის ტელევიზიის საინფორმაციო გამოშვება მთავარის ეთერში, ყველაზე მეტი დრო ადგილობრივ ხელისუფლებას დაეთმო. ყველაზე დადებითად პრემიერ-მინისტრი წარმოჩნდა, მისთვის დათმობილი დროის 6 პროცენტით. ყველაზე უარყოფითად კი - ადგილობრივი ხელისუფლება, დათმობილი დროის 19 პროცენტით.
საინფორმაციო გამოშვებაში ქართული ოცნებისთვის დათმობილი დროის 18 პროცენტი იყო ნეგატიური, ხოლო ერთი დადებითი. მთავრობის გაშუქებისას მხოლოდ 14 პროცენტი იყო უარყოფითი.
2017 წლის ადგილობრივი თვითმმართველობის არჩევნებთან დაკავშირებით მედიამონიტორინგი საქართველოს ჟურნალისტური ეთიკის ქარტიამ ჩაატარა. მედიასაშუალებებზე დაკვირვება ევროკავშირისა და გაეროს განვითარების პროგრამის მიერ დაფინანსებული პროექტის 2017 წლის ადგილობრივი თვითმმართველობის არჩევნების მედიაში გაშუქების კვლევა ფარგლებში მიმდინარეობდა.
მონიტორინგის პერიოდში აკვირდებოდნენ საქართველოს მასშტაბით 14 სატელევიზიო არხის მთავარ საინფორმაციო გამოშვებებს. სამონიტორინგო არხები იყო: საზოგადოებრივი მაუწყებელი, რუსთავი 2, იმედი, პირველი, ობიექტივი, აჭარის ტელევიზია, ტელეარხი 25, რიონი, გურჯაანი, გურია, ქვემო ქართლი, თრიალეთი, ოდიში, მეცხრე არხი. ანგარიში ასახავს 19 ივნისი - 8 ოქტომბრის პერიოდში გასული გადაცემების ანალიზს.
-
გადახედვა"ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს "ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვავენეციაში შესასვლელად €5 უნდა გადაიხადოთ ვენეციაში შესასვლელად €5 უნდა გადაიხადოთ
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
-
გადახედვადაკავებული აზერბაიჯანელი ჟურნალისტი ამბობს, რომ პოლიცია მას სცემს და აწამებს — რა ვიცით იმრან ალიევზე დაკავებული აზერბაიჯანელი ჟურნალისტი ამბობს, რომ პოლიცია მას სცემს და აწამებს — რა ვიცით იმრან ალიევზე
-
-
გადახედვაყალბი ჯანმრთელობის ცნობა 2000 დოლარის სანაცვლოდ — სუსმა რუსთავის პოლიკლინიკის დირექტორი და ექიმი ამხილა ყალბი ჯანმრთელობის ცნობა 2000 დოლარის სანაცვლოდ — სუსმა რუსთავის პოლიკლინიკის დირექტორი და ექიმი ამხილა
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
კომენტარები