ფრანგი ფოტოგრაფის ფოტორეპორტაჟი აფხაზეთიდან

2016 წელს ფრანგმა ფოტოგრაფმა, აურელიენ ვილეტმა ოკუპირებულ აფხაზეთში იმოგზაურა და შთამბეჭდავი ფოტოები გადაიღო. მისი ნაშრომი აერთიანებს ავტორის სიურეალისტურ ხედვას და აფხაზეთის ტრაგიკულ ისტორიას.

"ეს ზებუნებრივი გარემო სრულად დაცლილია ადამიანური სიცოცხლისგან, მაგრამ მაინც გვიყვება ამბებს წარსულიდან", - წერს ვილეტი. ავტორის თქმით, ადგილობრივები ყვებიან ისტორიებს სივრცეზე, რომელმაც საკუთარი იდენტობა დაკარგა.

ვილეტი აფზახეთს გაყინული კონფლიქტის პოსტსაბჭოთა ზონად ახასიათებს. ვილეტის ფოტორეპორტაჟი აქამდე არსად გამოქვეყნებულა. მოგზაურობაზე მან 2 წლის შემდეგ Lenscultur-ზე დაწერა.

ფოტოგრაფმა აფხაზეთზე ორი პროექტი მოამზადა. პირველი Topophilia—Abkhazia წარმოაჩენს დიდებული შენობებისა და მონუმენტების სიცარიელეს.