საქართველოს მთავრობის ადმინისტრაციას შალვა თადუმაძე უხელმძღვანელებს. ამის შესახებ საქართველოს პრემიერ-მინისტრმა, გიორგი კვირიკაშვილმა მთავრობის სხდომაზე განაცხადა.

ამ დრომდე, შალვა თადუმაძე მთავრობის საპარლამენტო მდივანი იყო.

პრემიერ-მინისტრის თქმით, შალვა თადუმაძე მაღალი პროფესიონალიზმით გამოირჩევა და მთავრობის საიმედო დასაყრდენია.

"იგი გამოირჩევა საქმისადმი ერთგული დამოკიდებულებით და ძალიან მაღალი წესიერებით, რაც ასევე ძალიან მნიშვნელოვანია იმისათვის, რომ მთავრობის ადმინისტრაციის ხელმძღვანელის პოზიცია დაიკავოს", - განაცხადა გიორგი კვირიკაშვილმა.