საქართველოს საგარეო საქმეთა მინისტრის, მიხეილ ჯანელიძის თქმით, საქართველოს დემოკრატიული რესპუბლიკის დაარსების დღეს, 26 მაისს მსოფლიოს ქალაქების ღირსშესანიშნაობები საქართველოს დროშის ფერებში განათდება. ამის შესახებ მან დღეს, 11 აპრილს პრესკონფერენციაზე განაცხადა.

მისი თქმით, გარდა ამისა, მსოფლიოს 30-მდე ქვეყანაში განთავსდება მემორიალური დაფები, უმაღლეს სასწავლებლებში გაიხსნება ქართული კუთხეები და დაგეგმილია ვილნიუსში საქართველოს სახელობის ქუჩის გახსნა.

საქართველოში 2018 წლის 26 მაისს დემოკრატიული რესპუბლიკის დაარსების დღე აღინიშნება.