ჩემპიონთა ლიგის მეოთხედფინალური მატჩის შემდეგ, რომელშიც ლივერპულმა შინ მანჩესტერ სიტის ანგარიშით 3:0 სძლია, მერსესაიდელთა მთავარმა მწვრთნელმა აღნიშნა, რომ ჯერ დამთავრებული არაფერია.

"ჩვენ საუკეთესო გუნდი დავამარცხეთ. კარგი საღამო იყო, თუმცა ეს საკმარისი არაა, ჩვენ შემდეგ ეტაპზე გასვლა გვინდა და ჯერ იქ ნამდვილად არ ვართ", - განაცხადა კლოპმა.

"წლების წინ რეალთან ანგარიშით 3:0 დავმარცხდით. მეუბნებოდნენ, რომ ყველაფერი დასრულებული იყო. შემდეგ კი მადრიდელები 2:0 დავამარცხეთ და 6-7 საგოლე მომენტი გვქონდა. ვხვდები, რომ ყველაფერი შეიძლება მოხდეს", - განაცხადა კლოპმა.

მისი თქმით, როგორც პირველი ტაიმის შემდეგ არ ჩაუთვლიათ თამაში მოგებულად, ისე პირველი რაუნდის შემდეგ არ თვლიან თავს შემდეგ ეტაპზე გასულად და მეორე შეხვედრისთვის ემზადებიან.

"პირველი ტაიმის დასრულების შემდეგ 3:0-ს ვიგებდით, მაგრამ გასახდელში ცეკვა არავის დაუწყია, რადგან მეორე ტაიმი წინ იყო. აქაც იგივე სიტუაციაა. ეს დაპირისპირება დაახლოებით 190 წუთი გრძელდება".