მემარჯვენე ექსტრემისტი ანდრეს ბრეივიკი ციხეში თავის ყოფნას წამებას ადარებს. ის ნორვეგიის მთავრობას ადამიანის უფლებების დარღვევაში ადანაშაულებს და სასამართლოში უჩივის. ინფორმაციას BBC ავრცელებს.

ტერორისტი მიიჩნევს, რომ ციხეში მეტისმეტად იზოლირებულია, არ აქვს პირადი და ოჯახური ცხოვრება და არაადამიანური და შეურაცხმყოფელი მოპყრობის მსხვერპლია. მისი თქმით, ეს ქმედებები ევროპის კონვენციის 2 მუხლს ეწინააღმდეგება.

ბრეივიკის ადვოკატის თქმით, იგი ბოლო დროს სტრესს განიცდის:

"ციხეში ის განათლებას იღებდა და ახლა ამას ვეღარ აგრძელებს. მე ვფიქრობ, რომ ეს ერთ-ერთი ნიშანია იმის, თუ როგორ ცუდად მოქმედებს მასზე და მის ჯანმრთელობაზე იზოლაცია".

2011 წელს ბრეივიკმა 77 ადამიანი მოკლა. ის ჯერ კუნძულ უტოიაზე შეიჭრა, სადაც ახალგაზრდულ ბანაკს ცეცხლი გაუხსნა, ხოლო შემდეგ ოსლოს ცენტრალური მოედანი ააფეთქა.

2012 წელს მას ნორვეგიულმა სასამართლომ ციხეში 21 წლის გატარება მიუსაჯა.