რამდენიმე წუთის წინ YouTube-ის სათაო ოფისში სროლასთან დაკავშირებით კომპანიის თანამშრომლებმა ტვიტერზე დაწერეს. On.ge გთავაზობთ ამ ტვიტებს:

ვადიმ ლავრუსკიმ, რომელსაც პირად ინფორმაციაში დასაქმების ადგილად Youtube აქვს მითითებული, ტვიტერზე დაწერა, რომ სროლის ხმა მოესმა და დაინახა, როგორ გარბოდნენ მისი კოლეგები. 20 წუთის შემდეგ კი დაწერა, რომ შენობიდან გამოსვლა მოახერხა.

პროდუქტების მენეჯერი ტოდ შერმანი წერს, რომ შეხვედრაზე იჯდა, როცა ხალხის ხმაური მოესმა. ის ასევე ირწმუნება, რომ კიბეებზე და იატაკზე სისხლი დაინახა.

სან-ბრუნოში, YouTube-ის სათავო ოფისში სროლის ხმა ისმოდა. როგორც სან ბრუნოს პოლიცია ტვიტერზე წერს, შენობიდან ცხელ ხაზზე რამდენიმე ზარი განხორციელდა. ამჟამად სათავო ოფისთან მობილიზებულია პოლიცია და ორმხრივი ცეცხლია გახსნილი.