თურქეთის სასამარათლო რუსეთის იმდროინდელი ელჩის, ანდრეი კარლოვის მკვლელობის სავარაუდო თანამონაწილეობისთვის ფეტულა გიულენისა და სხვა შვიდი პირის დაკავების ორდერი გამოსცა. ინფორმაციას თურქული სააგენტო Hurriyet ავრცელებს.

რუსეთის ყოფილი ელჩი თურქეთში, ანდრეი კარლოვი 2016 წლის დეკემბერში ანკარაში, გამოფენაზე მოკლეს. დიპლომატს ესროლა პოლიციელმა, მევლუთ ალტინტაშმა, რომელმაც გამოფენაზე იარაღის შეტანა შეძლო. თავდამსხმელი პოლიციელებმა ადგილზე მოკლეს. თურქეთის მთავრობის ინფორმაციით, თავდამსხმელი ფეტულა გიულენის მხარდამჭერი იყო.

ფეტულა გიულენი თურქეთის მთავრობამ 2016 წლის სამხედრო გადატრიალების მცდელობის ორგანიზაცებაში დაადანაშაულა. გიულენი, რომელიც ახლა აშშ-ში ცხოვრობს ბრალდებებს უარყოფს.