27 მარტს არგენტინის ნაკრებმა ესპანეთთან ამხანაგურ შეხვედრაში შოკისმომგვრელი მარცხი (6:1) იწვნია. მატჩის შემდეგ პრესა აქტიურად წერდა იმის შესახებ, რომ 77-ე წუთზე არგენტინელთა ლიდერმა ლიონელ მესიმ, რომელიც მიკროტრავმის გამო შეხვედრას ტოვებდა, ტრიბუნები დატოვა.

ძალიან ბევრ ადამიანს დარჩა შთაბეჭდილება, რომ მან ეს უბრალოდ იმედგაცრუების გამო გააკეთა, თუმცა, როგორც აღმოჩნდა, მესის თანაგუნდელების გამხნევება სურდა.

არგენტინული პრესის ინფორმაციით, მესი გასახდელში ჩავიდა, ფეხბურთელებს დაელოდა და როდესაც მოვიდნენ, უთხრა, რომ თავები მაღლა აეწიათ, რადგან ეს ყველაფერი მათ ერთად უნდა გაევლოთ.