მანჩესტერ იუნაიტედის ყოფილმა მწვრთნელმა ლუი ვან გაალმა, რომელიც კლუბიდან 2016 წელს გაუშვეს, განაცხადა, რომ სურდა მის გუნდს ისე ეთამაშა, როგორც პეპ გვარდიოლას გაწვრთნილი მანჩესტერ სიტი თამაშობს.

"ჩემი აზრით, პრემიერ ლიგაში საუკეთესო მწვრთნელი პეპ გვარდიოლაა. მან სიტი მანქანად აქცია".

"იგი გუნდებს იმ ფეხბურთს ათამაშებს, როგორი ფეხბურთის თამაშიც მანჩესტერით მსურდა, თუმცა მას ამისთვის ჩემზე უკეთესი ფეხბურთელები ჰყავს. ჩემს შემთხვევაში პროცესი დროში უფრო გაიწელებოდა, მაგრამ, სამწუხაროდ, საკმარისი დრო არ მომეცა" - აღნიშნა ვან გაალმა.