საერთაშორისო გამჭვირვალობა - საქართველო ზუგდიდში ლავრენტი ბერიას ქუჩისთვის გიგა ოთხოზორიას სახელის მინიჭებას ითხოვს. ამ მოთხოვნით ორგანიზაციამ დღეს, 28 მარტს ზუგდიდის საკრებულოს მიმართა.

"ვიმედოვნებთ, რომ ეს საკითხი დადებითად გადაწყდება. ინიციატივის ავტორები ვესაუბრეთ მოკლული ოთხოზორიას ოჯახის წევრებს და როგორც აღმოჩნდა, ოთხოზორიები ადრეულ წლებში სწორედ ბერიას ქუჩაზე ცხოვრობდნენ, ეს გარემოება კი საკრებულოს გადაწყვეტილებას, ქუჩას გიგა ოთხოზორიას სახელი მიენიჭოს, ორმაგ სიმბოლურ დატვირთვას შესძენს", - აცხადებენ საერთაშორისო გამჭვირვალობა - საქართველოში.

გიგა ოთხოზორია 2016 წელს საოკუპაციო ხაზთან დე ფაქტო აფხაზეთის მესაზღვრემ, რაშიდ კანჯი ოღლიმ ცეცხლსასროლი იარაღით მოკლა.