შინაგან საქმეთა სამინისტროს ინფორმაციით, თეთრიწყაროში ეჭვიანობის ნიადაგზე მომხდარი მკვლელობა გახსნილია. ნეტგაზეთის ცნობით, ქმარმა ცოლს ყურები დააჭრა, ხოლო თანასოფლელი მამაკაცი მოკლა.

როგორც გამოცემა იუწყება, ქმარმა მოკლული შინ სტუმრად მიიწვია, შემდეგ კი მეუღლეს ცემა დაუწყო. გამოსარჩლების შემდეგ, ბრალდებულმა სტუმარი მოკლა.

ნეტგაზეთის ინფორმაციით, როგორც ცოლს, ასევე ბრალდებულს, ყურები აქვთ დაჭრილი.

"გამოძიება მიმდინარეობს სისხლის სამართლის კოდექსის 108-ე მუხლით (განზრახ მკვლელობა) და 117-ე მუხლის პირველი ნაწილით (ჯანმრთელობის განზრახ მძიმე დაზიანება) და თერთმეტი პრიმა მუხლით (პასუხისმგებლობა ოჯახური დანაშაულისთვის)" - განუცხადეს On.ge-ს შსს-ში.

შინაგან საქმეთა სამინისტროს პრესსამსახურის ცნობით, დაზარალებული მძიმე მდგომარეობაშია და საავადმყოფოში იმყოფება.