აშშ-ში რუსეთის საელჩო ტვიტერით გამოკითხვას ატარებს: აშშ-ის რომელ გენერალურ საკონსულოს დახურავდით რუსეთში.

ასარჩევად სამი ქალაქია: ვლადივოსტოკი, ეკატერინბურგი და სანქტ-პეტერბურგი. გამოკითხვა 26 მარტს დაიწყო. ამ დროისთვის [12:09] გამოკითხვაში 50 ათასზე მეტ ადამიანს აქვ მიღებული მონაწილეობა.

"აშშ-ის პრეზიდენტის ადმინისტრაციამ სიეტლში რუსეთის გენერალური საკონსულო დახურა. არჩევა რომ შეგეძლოთ, აშშ-ის რომელ გენერალურ საკონსულოს დახურავდით რუსეთში", - წერია ტვიტერის პოსტში.

გუშინ, 26 მარტს ცნობილი გახდა, რომ აშშ ქვეყნიდან 60 რუს დიპლომატს გააძევებს და სიეტლში რუსეთის საკონსულოს დახურავს.რუს დიპლომატებს გააძევებენ ევროპის ქვეყნებიდან. სულ 136 რუს დიპლომატს აძევებენ 22 ქვეყნიდან.

რუსი დიპლომატების გაძევება დიდ ბრიტანეთში ყოფილი რუსი ჯაშუშის, სერგეი სკრიპალისა და მისი შვილის მოწამვლას უკავშირდება. მკვლელბის მცდელობაში დიდი ბრიტანეთის პრემიერ-მინისტრმა ტერეზა მეიმ რუსეთი დაადანაშაულა და ქვეყნიდან 23 რუსი დიპლომატი გააძევა. ასევე, ეკონომიკური სანქციების დაუწესა.

ლონდონის ნაბიჯების საპასუხოდ, მოსკოვმა 23 ბრიტანელი დიპლომატი გააძევა. სკრიპალის საქმის გამო ევროკავშირმა რუსეთიდან ერთი თვით ელჩი გაიწვია.

გაიგეთ მეტი: