სასამართლო დარბაზის დატოვებისას, ქართული მარშის ერთ-ერთმა ლიდერმა, სანდრო ბრეგაძემ რუსთავი 2-ის ჟურნალისტს უთხრა, რომ მის ხელმძღვანელს, ნიკა გვარამიას სინდისი და ჰუმანიზმი არ აქვს. ბრეგაძის თქმით, სასამართლომ პოლიტიკური გადაწყვეტილება მიიღო.

19 მარტს, რუსთავი 2-თან აქციაზე ქართული მარშის წევრებმა, რუსთავი 2-ის ჟურნალისტს დავით ერაძეს სცემეს. მათ გიორგი გაბუნიას მანქანას ალყა შემოარტყეს და სიტყვიერი შეურაცხყოფა მიაყენეს. პოლიციამ ქართული მარშის 6 წევრი დააკავა.

თბილისის საქალაქო სასამართლომ ქართული მარშის 6 წევრს აღმკვეთი ღონისძიების სახით პატიმრობა შეუფარდა. მათ შორის ერთ-ერთი, მარშის ლიდერი ლადო სადღობელაშვილია.

სხდომის დაწყების წინ, მოსამართლის შემოსვლისთანავე, ქართული მარშის წევრებმა და მათმა მხარდამჭერებმა დარბაზში "მამა ჩვენო" წარმორთქვეს.