ანა ნაცვლიშვილი - სამწუხაროა, რომ საქართველოს პარლამენტმა კვოტირების კანონპროექტს მხარი არ დაუჭირა

პრეზიდენტის საპარლამენტო მდივნის ანა ნაცვლიშვილის განცხადებით, სამწუხაროა, რომ დღეს საქართველოს პარლამენტმა კვოტირების კანონპროექტს, იდეას რასაც 30 000-ზე მეტმა მოქალაქემ მოაწერა ხელი, მხარი არ დაუჭირა:

"იმ პირობებში, როდესაც მოსახლეობის 50%-ზე მეტი ქალია, უმაღლეს წარმომადგენლობით ორგანოში კი, ქალები მხოლოდ 16%-ია, ადგილობრივ თვითმმართველობებში კიდევ უფრო მძიმე მდგომარეობაა. ეს სურათი, უბრალოდ, უსამართლოა და აუცილებელია, მისი შეცვლა. სწორედ ამიტომ საქართველოს პრეზიდენტი უკვე წლებია საუბრობს კვოტირების შემოღების აუცილებლობაზე".

დღეს, პარლამენტმა, პირველი მოსმენით, გენდერული კვოტების შესახებ კანონპროექტს მხარი არ დაუჭირა. კენჭისყრა სხდომათა დარბაზში რამდენიმე წუთის წინ გაიმართა. კანონპროექტს 150 დეპუტატიდან მხოლოდ 66-მა დაუჭირა მხარი.

ინიციატივა ქალთა პოლიტიკური მონაწილეობის სამუშაო ჯგუფმა დაარეგისტრირა.

გაიგეთ მეტი: გენდერული კვოტირება პარლამენტში - პოზიტიური დისკრიმინაცია თუ გარდაუვალი აუცილებლობა