ეკონომიკის მინისტრის, დიმიტრი ქუმსიშვილის განცხადებით, 16 მარტს საბაგირო ძაბვის ვარდნის გამო გაითიშა. სამინისტრომ ბიურო ვერიტასის ექსპერტიზის დასკვნის პირველად ვერსია გამოაქვეყნა.

მინისტრის თქმით, ადამიანური მიზეზების გამო შეცდომა დაუშვა ოპერატორმა, რომელსაც საბაგიროს გაჩერების შემდეგ თანმიმდევრულად უნდა ემოქმედა:

"საბაგიროს გაჩერების შემდეგ ოპერატორს უნდა ემოქმედა კონკრეტული თანმიმდევრობით და ამის შემდეგ უნდა მოეხდინა საბაგიროს გადაყვანა დიზელ-გენერატორზე გადართვა და შემდგომში იქ არსებული ტურისტების მიყვანა იმ წერტილამდე, საიდანაც ისინი ჩამოვიდოდნენ და დაცლიდნენ საბაგიროს".

მისივე განმარტებით, ოპერატორი საქმიანობას აღარ აგრძელებს. ასევე, საკუთარი სურვილით თანამდებობები დატოვეს მთის კურორტების სააგენტოს დირექტორის მოადგილემ ტექნიკურ დარგში და გუდაურის მთის მართვის დეპარტამენტის უფროსმა.

16 მარტს გუდაურში საბაგიროს მწყობრიდან გამოსვლის შედეგად 11 ადამიანი დაშავდა. მთის კურორტების განვითარების კომპანიის ინფორმაციით, დაზიანებული საბაგირო 2017 წლის 22 დეკემბერს შემოწმდა და ინსპექტირების შედეგად არაინაირი არსებითი თუ კრიტიკული შეუსაბამობა არ დადგინდა.

ამავე თემაზე: