ზუგდიდის რაიონულმა სასამართლომ ცოლის განზრახ მკვლელობისთვის ქმარს 13-წლანი პატიმრობა მიუსაჯა.

პროკურატურის განმარტებით, 2017 წლის 4 ივლისს ფოთში ქმარმა, კონფლიქტის დროს, ცოლს დანით გულმკერდის არეში ჭრილობა მიაყენა. მიღებული დაზიანების შედეგად ქალი ადგილზე გარდაიცვალა.

სამართალდამცველებმა ქმარი შემთხვევის ადგილზე დააკავეს. მას ბრალდება სისხლის სამართლის კოდექსის 111,108-ე მუხლით (განზრახ მკვლელობა, ჩადენილი ოჯახის წევრის მიმართ) წარედგინა და აღკვეთის ღონისძიების სახით პატიმრობა შეეფარდა.