პორტუგალიის ეროვნული ნაკრები პირველად ქვეყნის ისტორიაში ევროპის ჩემპიონატის გამარჯვებული გახდა.

მატჩის ძირითადი დრო ფრედ 0 - 0 დამთავრდა, ხოლო დამატებით დროში პორტუგალიის თავდამსხმელმა ედერმა შორეული დარტყმით გამარჯვების გოლი გაიტანა.

პორტუგალიის ნაკრებს 23-ე წუთზე გუნდის ლიდერი, კრისტიანო რონალდო, ტრავმის გამო გამოაკლდა. თუმცა, მადრიდის რეალის ფეხბურთელი მატჩში მოედნის გარედანაც იყო ჩართული და თანაგუნდელებს მთელი თამაშის განმავლობაში ამხნევებდა და რჩევა-დარიგებას აძლევდა.

პორტუგალიის ნაკრებს აქამდე არც ერთი დიდი ტურნირი არ ჰქონდა მოგებული.