საპრეზიდენტო არჩევნებში ჩარევისთვის აშშ რუსეთს ახალ სანქციებს უწესებს. ამის შესახებ დონალდ ტრამპის ადმინისტრაციამ, კონგრესის დაწესებული ვადიდან თვე-ნახევრის შემდეგ, 15 მარტს განცხადა.

CNN-ის ცნობით, სანქციები დაუწესდება რუსეთის ტროლების ფაბრიკას, რომელიც აშშ-ის საპრეზიდენტო არჩევნების პერიოდში ამერიკულ სოციალურ მედიაში პროპაგანდისტულ პოლიტიკურ პოსტებს აქვეყნებდა. ასევე, პუტინთან დაკავშირებულ ევგენი ვიქტოროვიჩ პრიგოჟინს, რომელიც ტროლების ფაბრიკას ფინანსურად უჭერდა მხარს. საერთო ჯამში კი დასანქცირდა 19 ფიზიკური პირი და 5 ორგანიზაცია.

ტრამპის მხრიდან კონგრესის ვადების დარღვევა შეფასდა ისე, თითქოს ტრამპს რუსეთის დასჯა არ სურდა.