ვარჯიში დაგვეზარება თუ არა, ბევრ ფაქტორზეა დამოკიდებული, მათ შორის, ინსტრუქტორის კრეატიულობასა და მონდომებაზეც. ფიტნეს-ტრენერმა, ნინო ჩერქეზიშვილმა საკუთარი "შეგირდების" დასაინტერესებლად საინტერესო მეთოდი მოძებნა - მან გადაწყვიტა, სარბენ ბილიკზე ქართული ხალხური ცეკვა დაედგა.

ნინომ თავისი სახალისო იდეა ჯგუფის 2 წევრთან ერთად განახორციელა და სარბენ ბილიკზე აჭარული შეასრულა.

ვიდეო, რომელიც ტრენერმა ფეისბუქ-მომხმარებლებს გაუზიარა, უწყვეტად არის გადაღებული.

"ტემპი, რა თქმა უნდა, დაბალია, სანამ გავიწაფებით! თუმცა პროგრესს ადევნეთ თვალი. სხვათა შორის, მონტაჟის გარეშეა. არანაირი ხელივნური გადაბმები მხოლოდ მუსიკა დავადე.
ვამაყობ გოგოებო" - წერს ის.

თუ სარბენ ბილიკზე ერთხელ მაინც გივარჯიშიათ, გეცოდინებათ, რომ მასზე სხვადასხვა მოძრაობის შესრულებას წონასწორობის დაცვა და კონცენტრაცია სჭირდება.

ასე რომ, მოდით, ერთად გავამხნევოთ ეს გოგოები და დაველოდოთ, მომავალში რა ცეკვას შემოგვთავაზებენ ისინი.