ოსკარის ნომინანტი ფილმი Three Billboards Outside Ebbing, Missouri საყოველთაო შთაგონების წყარო გახდა, რეალურ ცხოვრებაში გადმოვიდა და პროტესტის სიმბოლოდ იქცა.

სანქტ-პეტერბურგის ცენტრში გამოჩნდა სურათი წარწერით - ბილბორდები არ გვეყოფა კითხვების დასასმელად. ქუჩის მხატვარმა, მიშა მარკერმა ფილმის იდეა ქალაქში არსებულ პრობლემებზე სასაუბროდ გამოიყენა.

რუსულ პრესაში ვარაუდობენ, რომ მხატვარმა ამ ფორმით ხაზი გაუსვა ქალაქის ხელისუფლების მიმართ არსებულ უამრავ უპასუხო კითხვას.

მიშა მარკერმა აქამდეც არაერთხელ შექმნა ნამუშევრები, რომლითაც პოლიციის მუშაობა, ქალაქში არსებული კრიზისი და კარიერიზმი გააპროტესტა.

რაც შეეხება ფილმს, Three Billboards Outside Ebbing, Missouri მისი შინაარსი აქამდეც გამოიყენეს პროტესტის სიმბოლოდ. აქტივისტებმა ლონდოში ფილმის ყველაზე ცნობილი ეპიზოდი გააცოცხლეს და სამი ბილბორდის დახმარებით მთავრობას იმ ხანძრის გამოძიება კიდევ ერთხელ მოსთხოვეს, რომელიც გასული წლის ივნისსში, გრენფილ თაუერში გაჩნდა და 71 ადამიანი ემსხვერპლა.

გარდა ამისა, ფილმი შთაგონების წყარო გახდა ფლორიდის მოქალაქეებისთვისაც. რამდენიმე კვირის წინ საშუალო სკოლაში შეიარაღებული თავდასხმისას 17 ადამიანი ემსხვერპლა. მოქალაქეებმა ფილმის დახმარებით ფლორიდის სენატორ მარკო რობის მესიჯი გაუგზავნეს და მას იარაღზე კონტროლის დაწესება მოსთხოვეს.