კანადის პროვინციის, კვებეკის მაცხოვრებელი ექიმები საკუთარ ხელფასებს აპროტესტებენ. მათ ანაზღაურების მომატება სულაც არ სურთ, პირიქით, ისინი გასამრჯელოს შემცირებას ითხოვენ,

ქირურგებისა და რეზიდენტების უკმაყოფილება ხელფასის 11-პროცენტიანმა ზრდამ გამოიწვია. მათი თქმით, სჯობდა დამატებითი თანხა ინფრასტრუქტურის გაუმჯობესებასა და მედდების ხელფასზე დახარჯულიყო.

გასულ თვეში კვებეკელი ექიმების ასოციაციამ პეტიციაც შექმნა, რომელშიც ნათქვამია, რომ სამედიცინო სფეროს წარმომადგენელებისთვის ხელფასის ზრდა "შოკისმომგვრელი" აღმოჩნდა.

"როცა სამედიცინო სფეროში უამრავი პრობლემაა, ფინანსები უკეთ უნდა იმართებოდეს", - წერია პეტიციაში.