შინაგან საქმეთა სამინისსტრო ინფორმაციით, დღეს, 7 მარტს თბილისში, გახოკიას ქუჩაზე, N150-ე სამარშრუტო ტაქსის მძღოლებს შელაპარაკება მოუვიდათ, რის შედეგადაც ოთხი პირი დაიჭრა.

უწყების განმარტებით, სამარშრუტო ტაქსის მძღოლები ერთ-ერთ კვების ობიექტში იმყოფებოდნენ და შენობიდან გამოსვლის შემდეგ ნასვამ მდგომარეობაში შელაპარაკება მოუვიდათ.

შსს-ს თქმით, ერთ-ერთმა მძღოლმა ცივი იარაღით სხეულზე დაზიანება მიაყენა ოთხ პირს, რის შემდეგაც თვითდაზიანება მიიყენა და შემთხვევის ადგილიდან მიმალვა სცადა. პოლიციამ იგი ადგილზევე დააკავა და საავადმყოფოში გადაიყვანა.

შინაგან საქმეთა სამინისტრომ გამოძიება სსკ-ის 19-109-ე მუხლის მე-3 ნაწილით დაიწყო, რაც დამამძიმებელ გარემოებაში ორი ან მეტი პირის მიმართ ჩადენილ განზრახ მკვლელობის მცდელობას გულისხმობს.