დღეს, პირველ მარტს, დედაქალაქის მერმა კახა კალაძემ საქმიანობის 100 დღის ანგარიშის პრეზენტაციისას თქვა, რომ ევროკავშირის ნახევარი მილიონი ევროს ოდენობის გრანტი ბიზნეს აქსელერატორის შექმნას მოხმარდება:

"მოვიპოვეთ ევროკავშირის ნახევარმილიონიანი გრანტი, რომელიც ბიზნეს აქსელერატორის შექმნას მოხმარდება. მაქსიმალურად შევუწყობთ ხელს სტარტაპებს. ეს თანხა მათ გადამზადებას მოხმარდება, რათა მივცეთ სწორი მიმართულება, რომ თავიანთი ბიზნეს პროექტები განახორციელონ".

მისივე თქმით, თბილისის მერია შეუერთდა ინიციატივას "მერები ეკონომიკური ზრდისთვის", რომლის ფარგლებშიც, ქალაქის ეკონომიკური სტრატეგიის დოკუმენტის შემუშავება დაიწყო.