სცენარისტმა ჯენიფერ ლიმ, ცოტა ხნის წინ Frozen 2 დააანონსა და განმარტა, რომ ეს იქნება სრულყოფილი ფილმი, რომელიც ერთნაირად დაიპყრობს როგორც პატარების ისე ზრდასრული მაყურებლის გულს:

“დედოფალ ელზასა და პრინცესა ანას ისტორიას საოცარი გაგრძელება ელოდება. თუმცა ეს რა თქმა უნდა დიდ დროს მოითხოვს. როდესაც უკვე გაქვს ერთი წარმატებული ფილმი და გიჩნდება სურვილი გქონდეს მეორეც. დიდხანს ფიქრობ თუ რა უნდა უთხრას ახალი ამ ფილმმა მაყურებელს, რა იქნებოდა მნიშვნელოვანი, რა იქნებოდა უფრო მიმზიდველი და ვფიქრობ ვიპოვნე კიდეც", -ამბობს ჯენიფერ ლიმ.

Frozen 2-ზე დისნეის შემოქმედებითი გუნდი სერიოზულად მუშაობს, რათა დარწმუნდნენ რომ ის ისეთივე კარგი და წარმატებული იქნება როგორიც პირველი ნაწილი.

მიუხედავად იმისა, რომ ფილმის შემქმნელები ახალ ისტორიას საიდუმლოდ ტოვებენ, ფანებს საკუთარი მოსაზრებები უკვე აქვთ. მას შემდეგ რაც Frozen-ის პირველი ნაწილი გამოვიდა, გულშემატკივართა ნაწილმა პეტიციაც კი შეიმუშავა, რომ იმ შემთხვევაში თუ ანიმაციის მეორე ნაწილი გამოვიდოდა მთავარი პერსონაჟი დედოფალი ელზა ლესბოსელი ყოფილიყო. მოთხოვნამ საკმაოდ მასშტაბური სახე მიიღო და სხვადასხვა პოპულარული გამოცემები აქტიურად წერენ იმაზე, თუ რამდენად მნიშვნელოვანი და ისტორიული ფაქტი იქნება თუ დისნეი ერთ-ერთ ყველაზე პოპულარულ და წარმატებულ ანიმაციაში ლგბტ თემატიკას შეიტანს.

ამ კითხვაზე პასუხი სცენარისტმა და თანარეჟისორმა ჯენიფერ ლიმ ამ თემაზე პირველი კომენტარი გააკეთა:

"ჩვენ განვიხილავთ ამ ამბავს, სრულიად შესაძლებელია ელზა ლესბოსელი იყოს. ელზას პერსონაჟი ყოველდღე განაგრძობს ჩვენთვის იმის თქმას, თუ სად არის და საით უნდა წავიდეს", - ამბობს ლი.

ამავე თემას გამოეხმაურა იდინა მენზელიც (ელზას პერსონაჟის გამხმოვანებელი) და თქვა, რომ ელზას პერსონაჟის ამ სახით წარმოჩენა დიდებული და აუცილებელიც კია", - ამბობს იდინა.

აღსანიშნავია ისიც, რომ ცოტა ხნის წინ, დისნეიმ Frozen-ის მოკლემეტრაჟიანი, 23-წუთიანი ანიმაცია გამოუშვა, სრულმეტრაჟიანი ანიმაციის პრემიერა კი 2019 წლის 27 ნოემბერს იგეგმება.