ხუთშაბათს დილით, ბანგლადეშში, რელიგიური დღესასწაულის აღნიშვნისას, თავდამსხმელებმა მლოცველებს ცეცხლი გაუხსნეს და ბომბები დაუშინეს.

CNN-ის ინფორმაციით, შემთხვევას 1 პოლიციელი ემსხვერპლა, 10 კი დაშავებულია.

დაკას პოლიციის თქმით, შემთხვევისას ერთ-ერთი თავდამსხმელიც დაიღუპა.

ბანგლადეშის ინფორმაციის მინისტრმა CNN-ს უთხრა, რომ ჯერჯერობით უცნობია, ვინ დგას თავდასხმის უკან.

თავდასხმის დროს, მიმდებარე ტერიტორიაზე 300 000 მორწმუნე ლოცულობდა. ოფიციალური ინფორმაციით, დაშავებულები მორწმუნეებს შორის არ არიან.

ბანგლადეშში რამდენიმე დღის წინ მომხდარ ტერაქტს 20 ადამიანი ემსხვერპლა.