რუსთავის რაიონულმა სასამართლომ ორსული ცოლის ცემაში ბრალდებული დამნაშავედ სცნო და 2 წლით თავისუფლების აღკვეთა მიუსაჯა. დაკავებული ერთ წელს პენიტენციურ დაწესებულებაში მოიხდის, ხოლო ერთი წელი ჩაეთვალა პირობით, იმავე გამოსაცდელი ვადით.

ბრალდების მხარის მტკიცებულებების მიხედვით, 2017 წლის 22 დეკემბერს, დილის საათებში, რუსთავში, საყოფაცხოვრებო საკითხზე შელაპარაკებისას, ორსულ ცოლს ქმარმა ყელში წაუჭირა ხელი, წააქცია იატაკზე და ფიზიკური შეურაცხყოფა მიაყენა.

სამართალდამცველებმა ბრალდებული პირი დანაშაულის ჩადენიდან რამდენიმე საათში რუსთავში დააკავეს.

დაკავებულს ბრალდება სისხლის სამართლის კოდექსის 1261-ე მუხლის მე-2 ნაწილის ქვეპუნქტით წარედგინა, რაც ოჯახის ერთი წევრის მიერ ოჯახის სხვა წევრის მიმართ ძალადობას გულისხმობს.