ჩუტყვავილას საწინააღმდეგო ვაქცინა საქართველოში სავალდებულო არ არის, შესაბამისად, ის არც პროფილაქტიკური აცრების ეროვნულ კალენდარშია შეტანილი. დღეს, 20 თებერვალს, 56-ე საბავშვო ბაღის ერთი აღსაზრდელი დაავადების მძიმე ფორმით გარდაიცვალა.

დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე On.ge-სთან განმარტავს, რომ ჩუტყვავილა მარტივი, იოლად გადასატანი დაავადებაა და შესაბამისად, მის ვაქცინაციაზე მოთხოვნა არ არის:

"კერძო სექტორში მოთხოვნა თუ იქნება, ვაქცინაც იქნება. ვაქცინა იყო და გაუფუჭდათ იმის გამო, რომ მსურველები არ იყვნენ".

პაატა იმნაძის თქმით, აშშ-ს გარდა არსად არის ჩუტყვავილას აქცია სავალდებულო. რაც შეეხება ფატალურ შემთხვევებს საქართველოში, ბოლო 10 წელიწადში სამი ასეთი ფაქტი იყო.