ცოტა ხნის წინ გავიგეთ, რომ HBO-ს Big Little Lies-ის მეორე სეზონში მერილ სტრიპი ითამაშებს, ახლახანს კი დადასტურდა რომ ოჯახის კიდევ ერთი წევრი - მემი გამერი შეუართდა HBO-ს ოჯახს და ის True Detective-ის მესამე სეზონში ერთ-ერთ მთავარ როლს შეასრულებს.

მსახიობი სერიალში ახალგაზრდა დედის, ლუსი პარსლის როლს შეასრულებს, რომელიც დიდი ტრაგედიის ეპიცენტრში აღმოჩნდება.

HBO-ს რეკორდულად რეიტინგული სერიალი ნამდვილი დეტექტივი მესამე სეზონისთვის ემზადება.

შოუს ახალ სეზონზე ნიკ პიზოლატოსთან ერთად ორი სცენარისტი დევიდ მილჩი და ჯერემი სალნირი იმუშვებენ.

რაც შეეხებათ მესამე სეზონის დეტექტივებს, ოსკარის მფლობელი მაჰერშალა ალის შემდეგ, რომელიც დეტექტივ უეინ ჰეისის როლს მოირგებს, HBO-მ მეორე მთავარი როლის შემსრულებელი სტივენ დორფიც წარადგინა.

დორფი სერიალში როლანდ უესტის როლს ითამაშებს, რომელიც არკანზასის შტატის პოლიციის კრიმინალურ განყოფილებაში 30 წელზე მეტია მუშაობს.

ამავდროულად ცნობილი გახდა ისიც, რომ სამსახიობო ანსამბლს კარმენ ეჯოგოც შეუერთდა, რომელიც არკანზასის სკოლის მასწავლებლის, ამელია რეარდონის როლს მოირგებს.

რაც შეეხება ახალი სეზონის თემას, როგორც ცნობილია ის ოზარკის მთებში მომხდარ კრიმინალურ და მისტიკურ ისტორიას შეეხება. სიუჟეტი კი დროის სამ სხვადასხვა, განსხვავებულ მონაკვეთში ვითარდება.

ჯერ-ჯერობით ოფიციალურად არ არის დადასტურებული როდის დაბრუნდება სერიალი ეკრანზე, მაგრამ როგორც ამბობენ, შესაძლოა, ეს 2018 წლის ზამთარში მოხდეს.