დღეს, 2 თებერვალს, თბილისში, დიდუბის ხიდის ქვეშ ავტომანქანა ამობრუნდა. შემთხვევა რამდენიმე წუთის წინ მოხდა. აღნიშნული ფაქტი On.ge-ს შინაგან საქმეთა სამინისტროში დაუდასტურეს. უწყების ცნობით, შემთხვევის შედეგად სამი ადამიანი დაშავდა და სამივე საავადმყოფოში გადაიყვანეს. მათივე ინფორმაციით, ავტოსაგზაო შემთხვევაში მხოლოდ ერთი მანქანა ფიგურირებდა.

შსს-მ საქმეზე უკვე დაიწყო გამოძიება სისხლის სამართლის კოდექსის 276-ე მუხლის პირველი ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს და რამაც ჯანმრთელობის ნაკლებად მძიმე დაზიანება გამოიწვია.