მელ გიბსონი 2004 წელს შექმნილი The Passion of the Christ -ის გაგრძელებას გადაიღებს.

ახალ კინოსურათს რეჟისორმა სახელი უკვე შეურჩია - The Passion of the Christ: Resurrection (ქრისტეს ვნებანი: აღდგომა), ფილმის სიუჟეტი კი მაცხოვრის მკვდრეთით აღდგომის შემდგომ განვითარებულ მოვლენებს დაეთმობა.

იესოს როლს კვლავ ჯიმ კევიზელი შეასრულებს.

ქრისტეს ვნებანის პირველ ნაწილში აღწერილია ქრისტეს ცხოვრების ბოლო პერიოდი, რომელიც ცნობილია ქრისტეს ვნებანის სახელით. სიუჟეტი ვითარდება უმეტესწილად ახალი აღთქმის, კეძოდ კი მათეს, მარკოზის, ლუკასა და იოანეს სახარებების მიხედვით. ფილმში ასევე გამოყენებულია სხვა რელიგიური ნაშრომები და ჩანაწერები, რომელთაგან ყველაზე გამორჩეულია XVIII-XIX საუკუნეებში მოღვაწე გერმანელი კათოლიკე ღვთისმეტყველის, ნეტარი ანა კატერინა ემერიკის ხილვები.

ფილმში ასახულია იესო ქრისტეს ამქვეყნიური ცხოვრების უკანასკნელი 12 საათი. მოქმედება იწყება ბიბლიური ისტორიის მონაკვეთით, რომელიც ცნობილია როგორც აგონია ბაღში (რომელიც გადმოსცემს გეთსამანიის ბაღში მაცხოვრის შეპყრობის მოვლენებს) და მთავრდება ქრისტეს სასწაულებრივი მკვდრეთით აღდგომით.