ოდესმე შეგყვარებიათ ადამიანი მისი საყვარელი წიგნების მიხედვით? თუ კი, მაშინ თქვენ მარტო არ ხართ. eHarmony-ის მიერ ჩატარებული გამოკითხვის მიხედვით, წიგნების სიყვარულმა შესაძლოა თქვენს პირად ცხოვრებაზე დიდი გავლენა იქონიოს.

გაცნობის საიტმა გამოკითხვებით დაადგინა, რომ ჰობებში კითხვის მითითება მომგებიანი ნაბიჯია ყურადღების მისაქცევად. გამოკითხვით მიღებულმა შედეგების თანახმად, კაცები, რომლებსაც კითხვა უყვართ, 19%-ით მეტ ყურადღებას იმსახურებენ იმ კაცებთან შედარებით, რომლებსაც სხვა ჰობი აქვთ. ქალების შემთხვევაში კი, ეს მაჩვენებელი სამი პროცენტით იზრდება.

თუმცა, მნიშვნელობა აქვს იმასაც, თუ რას კითხულობთ. მაგალითად, კაცები, რომლებიც რიჩარდ ბრენსონის “Screw It, Let’s Do It”-ის კითხულობენ, 74%-ით მეტ წერილს იღებენ, ვიდრე სხვები. ჩამონათვალში ამ წიგნს მოსდევს "გოგონა დრაკონის ტატუთი"(36%), 1984 (21%) და "და ვინჩის კოდი" (5%).

რაც შეეხება მდედრობით სქესს. კაცებმა ყველაზე დიდი ყურადღება გამოიჩინეს მათ მიმართ, ვისაც "შიმშილის თამაშები", "გოგონა დრაკონის ტატუთი" და "სამეფო კარის თამაშები" უყვარს.

აქედან გამომდინარე შეგვიძლია დავასკვნათ, რომ ყველა წიგნი ვერ იქნება თქვენი სასიყვარულო ცხოვრების კატალიზატორი. ეს, ცხადია, არ ნიშნავს, რომ სხვა წიგნები არ უნდა წაიკითხოთ. უბრალოდ, თუ გადაწყვეტთ, რომ გაცნობის საიტებზე ადამიანები მოხიბლოთ, ფავორიტ წიგნებად ზემოთხსენებული რომანები მიუთითეთ.