ლეგენდარულმა მსახიობმა მერილ სტრიპმა საკუთარი სახელი დააპატენდა.

განაცხადი მსახიობმა აშშ-ის ინტელექტუალური საკუთრების ცენტრში შეიტანა და მოითხოვა, რომ მის სახელზე ექსკლუზიური უფლება მხოლოდ მას ჰქონდეს და არავის შეეძლოს მისი გამოყენება რაიმე პროდუქტის რეკლამის მიზენით.

მსახიობმა გადაწყვეტილება მას შემდეგ მიიღო, რაც აშშ-ში გამოჩნდა სათამაშოები, პარფიუმერია, ტანსაცმელი და სხვა პროდუქცია, რომელიც მერილ სტრიპის სახელით გამოვიდა ბაზარზე.

რა თქმა უნდა, მისი სახელის დაპატენტება არ კრძალავს სტრიპის ხსენებას სხვადასხვა ვებგვერდზე, ფილმებსა თუ სხვა ღონისძიებაზე.

ეს პირველი შემთხვევა არ არის, როდესაც ცნობილი ადამიანი საკუთარი სახელის დაპატენტებას ითხოვს. გამომდინარე იქიდან, რომ მათ პოპულარობას სხვები ხშირად იყენებენ საკუთარი ფინანსური სარგებელისთვის, შოუ-ბიზნესის წარმომადგენლებს უწევთ მიმართონ აშშ-ის ინტელექტუალური საკუთრების ცენტრს და კანონით მოითხოვონ საკუთარი სახელის დაცვა.

საკუთარი სახელი დაპატენტებული აქვთ - შონ კონერს, დევიდ და ვიქტორია ბეკჰემებს, ჯეი ზისა და ბიონსეს, პერის ჰილტონს, ტეილორ სვიფტს, ასევე ფეხბურთელებს, სხვა მომღერლებსა და მსახიობებს.