ვარკეთილის მეტროსადგურის რემონტი, სადაც ჭერის ჩამონგრევის შედეგად 11 ადამიანი დაშავდა, 347 852 ლარი დაჯდა.

სადგურის განახლებაზე კომპანია ყვარელრემმშენმა იმუშავა, რომელიც თბილისის მერიაში ელექტრონული ტენდერის გზით შეარჩიეს. კომპანიის 100-პროცენტიანი წილის მფლობელი და დირექტორი გიორგი ჯოხარიძეა. მეტრო ვარკეთილის სარემონტო სამუშაოები 2017 წლის სექტემბრის თვეში დაასრულა.

ყვარელრემმშენის მომსახურება სხვადასხვა დროს შესყიდული აქვს შინაგან საქმეთა სამინისტროს, გარემოსა და ბუნებრივი რესურსების დაცვის სამინისტროა, ფინანსთა სამინისტროა, პროკურატურას, ჯანდაცვის სამინისტროს, სოციალური მომსახურების სააგენტოს, ეროვნული ბანკს.

ახალგარემონტებულ ვარკეთილის მეტროში ჭერის ჩამოვარდნის შედეგად 11 ადამიანი დაშავდა. ერთ-ერთი დაშავებული პატრულის თანამშრომელია. როგორც On.ge-ს კორესპონდენტი ადგილიდან იუწყება მეტროსადგური დაკეტილია და ყველა მგზავრი გარეთ არის გამოყვანილი. სადგურში ჟურნალისტებს არ უშვებენ.