Handmaid's Tale-ის საყოველთაო აღიარების შემდეგ და მანამ სანამ ჩვენ ამ დიდებული შოუს მეორე სეზონს ველით, როგორც ჩანს მარგარეტ ეტვუდი დროს არ კარგავს და თავისი კიდევ ერთი რომანის სატელევიზიო ეკრანიზაციისთვის ემზადება.

MaddAddam-ის ტრილოგიის ადაპტაციაზე Paramount Television და Anonymous Content ერთობლივად მუშაობს.

ეტვუდის რომანი სამ წიგნს Oryx and Crake (2003 წელი), The Year of the Flood (2009 წელი) და MaddAddam (2013 წელი) აერთიანებს და მხევლის წიგნის მსგავსად დისტოპიური ჟანრისაა, სადაც კაცობრიობა პანდემიის შედეგად ნადგურდება.

სიუჟეტი იმ პატარა ჯგუფის შესახებ მოგვითხრობს, რომლებიც ვირუსს გადაურჩნენ და მემკვიდრეობით ურთულესი მისია ერგოთ - მათ ახალ რასას უნდა ჩუყარონ საფუძველი.

ისტორიას რამდენიმე მთავარი პერსონაჟი ჰყავს, ერთ-ერთი კი ჯიმი, იგივე თოვლისკაცია, რომელიც გადარჩენილებში ყველაზე ძლევამოსილია და ცივილიზაციის ახალ კანონებსაც ის ადგენს. ახალ შოუში შევხვდებით რელიგიური კულტის "ღმერთის მებაღეების" წევრებს, ნარკოტიკებით მოვაჭრეებს, სექს მუშაკებს, ბიოლოგებს, მეცნიერებს, მკვლელებს და ა.შ.

უცხოური მედია პროექტს უკვე უწოდებს ახალ Handmaid's Tale-ს.