ბათუნში დღეს, 21 იანვარს, დაიწყო ახალი, უეფას სტანდარტების საფეხბურტო სტადიონის მშენებლობა. მშენებლობის დაწყებას ესწრებოდნენ ხელისუფლების წარმომადგენლები, ასევე, ფეხბურთის ფედერაციის პრეზიდენტი ლევან კობიაშვილი.

ახალი სტადიონი უეფას მეოთხე კატეგორიის სტანდარტებით აშენდება და ის 20 000 მაყურებელზე იქნება გათვლილი. სტადიონი აჭარის ფინანსთა და ეკონომიკის სამინისტროს დაკვეთით შენდება. მშენებლობის ღირებულება 99 448 408 ლარია. ობიექტს ტენდერში გამარჯვებული სამშენებლო კომპანია ანაგი აშენებს.

ხელშეკრულების მიხედვით, სტადიონის სამშენებლო სამუშაოები 2020 წლის სექტემბერში დასრულდება. მშენებლობის პროცესში 500 ადამიანი დასაქმდება.