რუსეთი საქართველოსთან მოლაპარაკებებს იმ გზის გახსნასთან დაკავშირებით აწარმოებს, რომლის მეშვეობითაც სომხური სატვირთო ავტომობილები, სამხრეთ ოსეთის გავლით, რუსეთის მიმართულებით ივლიან. ინფორმაციას News.am ავრცელებს.

გამოცემის ცნობით, ზემოაღნიშნული ინფორმაცია სომხეთის ტრანსპორტისა და კავშირის მინისტრმა, გაგიკ ბეკლარიანმა განაცხადა. მისი განმარტებით, რუსეთი საქართველოსთან მოლაპარაკებას აწარმოებს, რომ აღნიშნული გზით სარგებლობა სომხური სატვირთო ავტომობილებისათვის დროებით მაინც გახდეს შესაძლებელი:

"ამ შემთხვევაში სომხეთზე ძალიან ცოტაა დამოკიდებული".

აღნიშნული გზა 2008 წლის ომის შემდეგაა დაკეტილი და ვინაიდან სულ ცოტა ხნის წინ სტიქიამ ლარსის საავტომობილო გზის ნაწილიც გამოიყვანა წყობიდან, სომხეთს რუსეთთან მიმავალი სახმელეთო გზა აღარ აქვს.