თამამად შეიძლება ითქვას, რომ პოტერჰედები ყველაზე იღბლიანი ფანდომის წევრები არიან. ჯადოსნურ სამყაროში მათ მუდმივად ელით რაღაც სიახლე: ახალი წიგნები, ფილმები, გასართობი ცენტრები, მუზეუმები და, რა თქმა უნდა, მობილური თამაშები.

Harry Potter: Hogwarts Mystery მობილური თამაშია, რომელიც IOS და ანდროიდ მოწყობილობებისათვის გამოვა. თამაშის საშუალებით ოცნებას აისრულებთ და ჰოგვორტსის სტუდენტები გახდებით, შექმნით ავატარს, აირჩევთ საგნებს, რომელთა დახმარებითაც მაგიას შეისწავლით. თითოეული მოთამაშე თავად განავითარებს პერსონაჟის ისტორიას და გადალახავს სირთულეებს. ეს იქნება პირველი თამაში, რომელსაც Warner Bro ახალი ლეიბლით Portkay Games გამოუშვებს. თამაშის შექმნაზე კომპანია Jam City მუშაობს, მათ უკვე შემოგვთავაზეს პირველი თიზერი:

თუმცა, ეს ყველაფერი არ არის, წელს, ჰარი პოტერის მოტივებზე მეორე თამაში Harry Potter: Wizards Unite გამოდის. მისი საშუალებით შეძლებთ ვირტუალური რეალობა ნამდვილს მოარგოთ და რეალურ სამყაროში მაგიური არტეფაქტები და ჯადოსნური ცხოველები ეძებოთ, ზუსტად ისე, როგორც ამას Pokemon Go გვთავაზობდა.