მარნეულში მატარებლის დაჯახების შედეგად 12 წლის ბიჭი დაიღუპა. შემთხვევა გუშინ, 18 იანვარს მოხდა.

რადიო მარნეულთან საუბრისას, შემთხვევის ადგილთან მცხოვრებლები იხსენებენ, რომ სახლებიდან ხმაურის გაგების გამო გამოვიდნენ. მატარებლის გამაფრთხილებელი სიგნალის ხმა კი მათ არ გაუგიათ. თვითმხილველები ასევე ამბობენ, რომ ბავშვი ყურსასმენებით მოძრაობდა და მოახლოებული მატარებლის ხმა ამიტომ ვერ გაიგო.

შინაგან საქმეთა სამინისტროში On.ge-ს უთხრეს, რომ გამოძიება სსკ-ის 275-ე მუხლი მესამე ნაწილით მიმდინარეობს, რაც სარკინიგზო ტრანსპორტის მოძრაობის უსაფრთხოების ან ექსპლუატაციის წესის დარღვევით ადამიანის სიცოცხლის მოსპობას გულისხმობს.